ஏழையின் ஹைக்கூ
தூக்கம்
ஏழைக்குக் கிடைக்கும்
கொஞ்ச நேர
சொர்க்கம்
கனவு
ஐந்து நட்சத்திர ஹோட்டல்
செல்ல ஏழைக்குக் கிடைத்த
இலவச பற்றுச்சீட்டு
பசி
உடலுக்கும் உயிருக்கும்
உள்ள தொடர்பு மாதிரி
வயிற்றுடன் உள்ள தொடர்பு
ஏழை
பணமில்லா
இராச்சியத்தின்
குடிமகன்
பிச்சை
எல்லா வழிகளும் அடைக்கப்பட
வாயும் வயிறும்
திறந்த வழி
பணம்
உடலுக்கு உயிர் போல இருப்பதால்
ஏழையின் உயிரை ஊசலாட வைக்கும்
காலன்